Më 5 Dhjetor 1912, për rëndësinë specifike që kishte Posta Shqiptare, qeveria e parë kombëtare e Ismail Qemalit, një javë pas shpalljes së pavarësisë, ngriti një ministri të veçantë të Post Telegrafës, ministër i së cilës ishte eruditi Lef Nosi.
Posta Shqiptare sh.a është shoqëria më e madhe tregtare që operon në tregun e shërbimeve postare dhe financiare në vend. Ndër vite, Posta Shqiptare nuk ka patur në fokus vetëm aktivitetin tregtar, por ka shërbyer si një ndërmjetëse vitale midis biznesit, qytetarëve dhe institucioneve.
Misioni ynë është të vazhdojmë të mbetemi lokomotiva e shërbimeve postare e financiare në vend, duke i garantuar klientit cilësi maksimale të shërbimeve, si duke përmbushur me së miri sloganin Shpejt.Sigurt.Kudo.
Qëllimi ynë është konsolidimi i pozicionit dhe rritja e reputacionit të kompanisë në tregun e shërbimeve, duke synuar arritjen e standarteve në të njëjtin nivel me Postat homologe të rajonit e më gjerë.
Ne jemi pranë jush me 533 zyra postare në të gjithë Shqipërinë dhe rreth 2500 punonjës në shërbimin tuaj.
Aset Kombëtar
Si një ndër koorporatat e para në vend, që prej krijimit të shtetit shqiptar, 109 vite më parë, marka Posta Shqiptare, ka një rëndësi të veçantë për rolin dhe funksionin në gjithë këtë periudhë të gjatë kohore, si dhe trashëgiminë kulturore të saj përmes historisë së pullës dhe objekteve filatelike. Sot Posta Shqiptare është një aset në pronësi të taksapaguesve shqiptar dhe si e tillë çdo kontribut ndaj Postës është kontribut për vetë qytetarët dhe vendin.
Pararojë në Teknologji
Posta Shqiptare si çdo kompani dhe organizatë tjetër serioze është e vetëdijshme për rëndësinë e adaptimit me proceset evolutive të teknologjisë. Për këtë Posta ka zgjedhur të jetë një institucion në zhvillim dhe si e tillë ka nisur procesin e transformimit të shërbimeve dhe produkteve të saj drejt digjiitalizimit, aksesit në platformat online dhe integrimit të formateve hibride të shërbimit, çka e pozicionon atë krah aktorëve kryesorë të ekosistemit të inovacionit në Shqipëri e më tej në rajon.
Përgjegjësi Sociale Korporative
Zhvillimi i një avantazhi të qëndrueshëm konkurrues është një sfidë kryesore në axhendat e lidershipit të sotëm global dhe lokal, kësisoj Posta Shqiptare do të duhet të përqëndrohet në investime të qëndrueshme, zhvillimin e kontrolleve, standardeve, raportimeve që fokusohen në zgjidhje të qëndrueshme dhe afatgjatë duke ndihmuar komunitetin dhe duke zhvilluar potencialisht biznesin e tyre.
Kjo qasje synon promovimin e një integrimi të qëndrueshëm dhe gjithëpërfshirës, brenda një vizioni të përgjithshëm të një shoqërie në proces globalizimi, ku ndërlidhen faktorë të qëndrueshëm politik, ekonomik, mjedisor dhe social.
Vendet kandidate të BE-së si Shqipëria nxiten të inkurajojnë ndërmarrjet e biznesit të zhvillojnë dhe forcojnë angazhimet e tyre për përgjegjësinë shoqërore të korporatave. Ndaj Posta Shqiptare duhet të investojë kapacitetet e saj në drejtim të këtij angazhimi, si një institucion që përqafon standardet dhe modelet më të zhvilluara ndërkombëtare në këtë drejtim.
